قررت اشاركم ازاى بنقدر يكون معانا عملاء
كلنا عندنا مشكله ازاى اوصل لعميل يتعامل معايا كفرى لانس فى مجال السوشيال ميديا ماركتنج او الديجتال ماركتنج عموما وده طبعا بعد تطبيقك وانك اشتغلت وحققت نتائج
بالتالى هوده سؤالك لنفسك كالمعتاد…..
ازاى العميل يعرفنى والناس تبدأ تتعامل معايا واشتغل ؟
بص ياسيدى هقولك ازاى ..
1-الأول لازم يكون عندك شبكة علاقات في المجال ده من خلال مشاركتك علي الفيس بوك والتواجد علي كل الجروبات المهتمة بالمجال ده لأن في عملاء بيحتاجوا حد يشتغل معاهم بالتالي فرصة كويسة وبتعرض نفسك وشغلك عليه .
2- اشتغل علي لينكدان وابني ليك شبكة أصدقاء قوية وانزل بمحتوي يومي ليك وانت هتحس بالفرق سيبك بقي من بيدج الفيس بوك لأن ده هيفيدك جدااا وانا واحد من الناس اللى بضيع وقتى عليه افضل من الفيس بوك ومش معنى كده بقولك اهمل الفيس بوك بس خلى لينكدان فى اولوياتك لان ده اللى بيساعدنى فى شغلى وبيساعد الناس تتعرف عليا
3-ابدأ اعمل لنفسك موقع محترم واشتغل عليه اللى بتتعلمه وهتعمله مع العميل اعمله على نفسك اعتبر نفسك عميل ياسيدى ويلا بقى بطل كسل عشان العميل اللى عايزك هيدور عليك عند عمنا وعم الناس عم جوجل
ابدأيلا واشقط عميلك ياصديقى انا قولت ادردش معاك واقولك عن سر من اسرار الشقط ومش هخبى عليك ولا اقولك مش هديك سرى ولا الكلام الفاضى ده الشغل كتير والارزاق بتاعه ربنا
انت بس اسعى وكمل ..
الاسرار دى للناس اللى خلصت كورسات وعايزه بقى يشتغلوا ويكون عندهم عملاء