بص ياسيدى كلامى ليك نابع من خبرات لاكثر من 6 سنين فى مجال التسويق العقارى هقول مشاكل وحلول ممكن تكون بتقابلك بس عايزك تركز معايا شويه وتجيب مج النسكافيه بتاعك واركب معايا عشان نخوض رحله المشاكل مع الحلول من وجهة نظرى المتواضعة
1_شغال على المشروع ومفيش Lead كويس
بص يامعلم لو انت شغال مع بروكور لازم توصله ان ياسيدى الفاضل انا راجل بتاع تسويق مش مبيعات فحضرتك ممكن تشاركنى فى اختيار المشروع اللى هتتعاقد عليه وهتسوقله
شايفك استغربت وبتقول لنفسك يعنى ايه الكلام ده؟
بص ياسيدى دلوقتى هنفترض ان فى مشروع فى التجمع الخامس والمشروع ده معاك اكتر من 7 او 8 بروكور فيه تخيل حجم المنافسه كميزانيه يعنى انت حضرتك بتصرف 10 الف جنيه فى الاسبوع الواحد(ده فى المشمش اصلا لو بتصرف المبلغ ده ك بروكورإلا من رحم ربى) هل ياترى البروكور اللى فى نفس مشروعك بيصرف نفس المبلغ ولا لا؟ ..طيب لو فرضنا انك اقل بروكور …هاااا فهمت ياسيدى????
2_حدد الفئه المناسبه من فضلك
من الأخطاء الى الناس بتقع فيها اختيارهم لChannel غلط يعنى هقولك بالمثال انت دلوقتى معاك وحدات سعر الوحدة فيها 7 او 8 مليون وبتشتغل اعلانات على الفيس بوك كده انت اختارت المكان الغلط يامعلم ????
ازاى بس؟! وانا بشتغل وبجيب ناس بطلوا هبد بقى????
طيب هقولك انك انت صح ممكن حضرتك تقولى الROI بتاعك اخبار ايه؟ واثق انك مش هتلاقى رد على كلامى يبقى بعد اذنك روح اختار ال Channelاللى انت عايزها عشان متضيعش وقتك وفلوسك على الفاضى مناسبه للفئه
3-فرق في شغلك بين 4 فئات في العقارات السكني ,الساحلي ,التجاري ,الإداري
كل فئه من دى ليها طبيعه خاصه وعميل مختلف عن عميل تانى فى الاستهدافات وطرق عرض المحتوى و.. الخ
4_انت كشركه عقارات بطل تشتغل فى مكان غيرك واشتغل فى مكانك يعنى ايه الكلام ده؟
يعنى حضرتك بطل تعتمد انك عندك صفحه مجانيه فى مكان مش بتاعك زى الفيس بوك واشترى لنفسك مكان خاص بيك (اقصد هنا انك تعمل لنفسك موقع الكترونى ياباشا)لأن المكان اللى عندك عليه الصفحه المجانيه دى (صفحتك سواء على الفيس بوك او غيره) ممكن المنصه دى تقفل بكره هتعمل ايه وقتها ؟!! هو انا هسيب ليك مشاركه فى النصيحه الخامسه استفيد بيها منكم ومن خبرات كل شخص شغال فى المجال التسويق العقارى