من اكثر الحاجات اللى كنت بقع فيها شخصيا هى ان انزل لينكات كوكتيل كده من غير خطه مدروسة للينكات دى يعنى كانت ممكن تعمل تشتيت للناس اكثر ولذلك انا جايبلك النهارده 5 مواقع لو انت عايز تطور من نفسك فى مجال التسويق والسوشيال ميديا هيفيدوك جدا وده عن تجربه انا مريت بيها بنقلها ليك عشان تفيدك انت كمان
1-Udemy
لو مش عارف الموقع ده احب اقولك انت فايتك كتير اوى اوى الموقع ده بيقدم كورسات بأسعار كويسه جدا وفيها كورسات بالعربى كمان وحتى المصطلحات اللى بتتقال فى الكورسات اللى بالانجلش والله مش معقده خالص وممكن تحفظها وده بيفيدك انك كمان تعرف اهم المصطلحات اللى بالانجلش فى المجال ده
بالمناسبه الموقع فى اكثر من 100 كورس مجانا فى مجال السوشيال ميديا والديجيتال ماركتنج عموما
2-Coursera
الكورسات الموجودة فيه بيقدمها أساتذة ودكاترة جامعات مشهورة عالميا
الجميل فى الموقع ده ان بيكون فى أنشطة بتحصل واختبارات بجد وكأنك بتدرس المجال فى الجامعه فعلا
الموقع يتيح بنظام الدبلومات، وهي عبارة عن مجموعة مترابطة من الكورسات في تخصص متكامل، تتطلب مشروع تخرج في النهاية حتى تستطيع الحصول على شهادة معتمدة بهذه الدبلومة
3-Linkedin
قولت قبل كده ساعه واحده من linkedin افضل بكتير من 100 ساعه على الفيس بوك
تخيل كده كل بوست بتشوفه فى معلومه عن ازاى تطور نفسك فى المجال تخيل حجم الأستفادة اليومية عليك والطاقة الإيجابية اللى هتوصلك مع كمان التحديثات ومعرفتك بافضل ناس فى المجال بيخليك تفكر بفكرك تانى
ارررررررجوك ابدأ تواجد عليه
4-Socialmediaexaminer
كل تحديثات السوشيال ميديا كلها أول بأول هتلاقيها على الموقع ده ,لأ ومش بس كده كمان هتلاقى نصائح فى التحديثات دى وازاى تستغلها صح بشكل تسويقى تقدر تحقق منه مبيعات واوقات بينزل خطط لشغل ناس وبيتكلمه عليه
5-Digitalmarketer
مغاره على بابا فى كورسات الديجيتال ماركتنج
وعشان بقى تفهم اكتر
هتدخل على اللينك ده:
https://www.facebook.com/MoEldeebOfficial/videos/452674315481223/
هتلاقى فى راجل طيب كده اسمه الدكتور محمد الديب سفير بايونير بيقولك خلاصة الخلاصة وبيشرحلك كل حاجه واتمنى منكم تتابعوا الراجل ده هتستفادوا منه وخصوصا فى الاونلاين بيزنس
ممكن تقولى ايه حجتك تانى عشان تكون حد متميز فى المجال ده ؟يلا اشتغل بقى وفرجنى على نتائجك ومتنساش من صالح دعائك ليا